Соопштенија од факултетот

На само еден клик до откривање на сите тајни на природата: Природно - математички факултет

Повеќе

Се известуваат студентите од Природно-матема­тичкиот факултет во Скопје, дека терминот за полагање на испитот по Педагогија, кај проф. д-р Борче Костов, во  ноемвриската  испитна сесија ќе се одржи на 01.12.2021, од  11 до 12 часот преку MS Teams. Студентите кои сакаат да полагаат, пред испитот, да му пишат на проф Борче Костов, за да може да им испрати покана за полагање. Електронската адреса на професорот е: borcekostov@yahoo.com

Се известуваат студентите од Природно-матема­тичкиот факултет во Скопје, дека терминот за полагање на испитот по Англиски јазик, во ноемвриската испитна сесија ќе се одржи на 15.11. 2021 (понеделник) во 18.00 ч. Истиот ќе се спроведува онлајн, преку платформата Zoom. Предметната професорка, Солзица Поповска, ги замолува студентите што ќе го полагаат предметот, задолжително да  се најават, на следнава електронска адреса: solzica_popovska@yahoo.com

Се известуваат студентите од Природно - матема­тичкиот факултет во Скопје, дека терминот за полагање на испитот по Руски јазик, кај проф. д-р Ирен Алчевска, во ноемвриската испитна сесија е 30 ноември 2021 година, во 13 часот. Испитот ќе се спроведува  онлајн. Пријавување на: iren_alcevska@mail.ru

Се известуваат студентите од Природно - матема­тичкиот факултет во Скопје, дека терминот за полагање на предметот Психологија, кај проф. д-р Калина Сотироска - Иваноска, во ноемвриската испитна сесија е на 23 ноември 2021 година во 14:00 часот. Испитот ќе се спроведува  онлајн, на MS Teams. kalina.sotiroska@fzf.ukim.edu.mk

Ве известуваме дека Кристина Ѓорѓевиќ јавно ќе го брани својот магистерски труд со наслов: „Синтеза и структурно - вибразиона анализа кај АPbI3-перовскити“

Се известуваат студентите од Природно-матема­тичкиот факултет во Скопје, дека е донесена Одлука за ноемвриската испитна сесија која ќе се одвива во периодот од 22.11.2021 година до 03.12.2021 година.

Повеќе

Се известуваат студентите од Природно-матема­тичкиот факултет во Скопје, дека терминот за полагање на испитот по Македонски јазик, во ноемвриската испитна сесија е 27 ноември, сабота, во 12 часот. Испитот ќе се спроведува онлајн. Професорот Симон Саздов  ги замолува студентите што ќе го пријават испитот, да се најават, на следнава електронска адреса s.sazdov@yahoo.com за да може да им испрати линк за полагање на испитот.

Почитувани,

За сите студенти од Природно - математичкиот факултет, кои можеби, во иднина би ја избрале авијацијата за професија, AVICON го организира Првиот аеронаутички академски и кариерен саем, кој ќе се одржи на 30 октомври 2021 година, во Градски парк во Скопје, на Школка во 11 часот. Повелете!

• Повеќе за настанот
• Покана за настанот

Конечна ранг листа на добитници за плаќање половина од износот, еднородителско семејство

Избор на демонстратори во учебната 2021/2022

Образец Пријава по конкурсот за демонстратори 2021

Хајал Ајдарче Сејфула јавно ќе го брани својот магистерски труд под наслов:

„УТВРДУВАЊЕ НА ГЕНСКИТЕ ДЕФЕКТИ ВО GBA1 ГЕНОТ ОДГОВОРНИ ЗА GAUCHER-ОВА БОЛЕСТ ВО Р. СЕВЕРНА МАКЕДОНИЈА“.

Ранг-листи на студенти пријавени на Интерен оглас за остварување на правото за плаќање половина од износот на уписнина за прв циклус студии за студентите чие родителско право го врши само еден родител – 2021/2022

Напомена:

Кандидатите имаат право на приговор по објавените ранг-листи најдоцна до 20.10.2021 година на следната е-маил адреса: pmf@pmf.ukim.mk

Комисијата одговара на приговорите во рок од 5 работни дена.

Денес, на Природно - математичкиот факултет - Скопје, беше одржан првиот час за академската 2021 / 2022 година. Првиот час, за новите студенти, го започна деканот на Природно - математичкиот факултет - Скопје, проф. д-р Александар Скепаровски. Овој свечен час беше збогатен и со присуството на ценетите гости: Ректорот на Универзитетот „Св. Кирил и Методиј“ во Скопје, проф. д-р Никола Јанкуловски, Министерката за образование и наука, г-ѓа Мила Царовска, како и Претседателот на Владата на РС Македонија, г. Зоран Заев, кои, со свои обраќања, им посакаа успешно студирање на нашите студенти.

Повеќе

Драги студенти,

Овде можете да ги најдете потребните информации и документи кои се поврзани со Конкурсот за стипендии од МОН:

• за конкурирање за  ПРВПАТ (потврда, уверение за положени испити, УППИ за конкурирање за прв пат), уплата од 500,00 денари на ПМФ и 50,00 денари административна такса (жиро-сметки);
• за продложување на стипендијата (потврда, уверение за положени испити, УППИ за продолжување) уплата од 500,00 денари на ПМФ и 50,00 денари административна такса (жиро-сметки).

Почитувани студенти,

За наставата на Факултетот во зимскиот семестар во академската 2021/2022 година која ќе се одвива онлајн преку алатката Microsoft Teams од Office 365 пакетот, следете ги чекорите:

1. Инсталирајте ја алатката Microsoft Teams;
2. Проверете која е вашата електронска адреса за најава на Microsoft Teams од типот ime.prezime@studentis.pmf.ukim.mk на следниов линк (видео упатство или PDF);
3. Следете ги упатствата од професорите за одвивање на настава по секој од предметите;
4. Почесто проверувајте ја вашата електронска пошта.

Ви посакуваме успешно студирање на Природно - математичкиот факултет!

Ве известуваме дека започнувајќи од 04.10 па се до до 29.10.2021 годинина, шалтерот на Одделението за студентски прашања ќе работи на 2  позиции, во временски период од 11.30-14.30 часот, со точно закажани термини од страна на студентите.

Шалтер 1 (Разно) - задоцнето запишување на зимски семестар за академската 2021/2022 година, проверка на досие, продолжување на студии и сл.

Шалтер 2 (стипендии) - доставување документи.

Замолуваме, студентите  да си резервираат термин нa ЛИНКОТ, пред да дојдат на шалтерот на службата на Студентски прашања. Студентите без резервиран термин нема да бидат услужени.

Контакт телефон  02/3249-821

Потребните документи за запишување на примените кандидати примени во првиот уписен рок за прв циклус студии на студиските програми на Универзитетот „Св. Кирил и Методиј“, Природно - математички факултет во Скопје, во академска 2021/2022 година можете да ги видите овде.

Конечната ранг-листа на примени студенти на првиот уписен рок на прв циклус студии на студиските програми на Универзитетот „Св. Кирил и Методиј“, Природно - математички факултет во Скопје, во академската 2021/2022 година можете да ја видите овде.

Прелиминарната ранг листа овде.